$[ يــآ صــآحبـي ]$

صبـآح / مسـآء الشـ ع ـر ...

أعـ ج ـبتني القصيده فـ ح ـبيت أنقلهآ لكم ...

وإن شاءالله تحوز على إعـ ج ـآبكم ...

ياصاحبي طالبك خلّني بــ حالي

ما أبي "أضيــّق خاطرك" وأنت مرتاح

ياصاحبي وإن غبت عنك " ليالي "

غلاك باقي بــ الحنايا ولا راح

تبي أسولف لك ، وش اللي جرالي ؟؟

أخاف يمسح قولنا الصبـــح لا لاح

أجل تعال أجلس هنيـّـا قبــالي

دام الحطب طاح وكثير العتب طاح

لو كل شخص إليا عطيته وفالي

ماكان بــ الدنيا حزن ليل وجراح

ولو كل غالي قدّر إحساس غالي

ماشفت ذاك الدمع من محجره ســاح

ولو كل قلب من الحسد جاك خالي

مايشتكي من شحّ الأمطار فــــلاّح

ولو كل واحد جاك طبعه مثـــالي

ماكان بــ الدنيا سجن ناس وإصلاح

ولولا الذنوب اللي بـ كبر الجبالي

ماكان جيش الكفر لــ بلادنا إجتــاح

ولو الردي يعرف شــ معنى عيالي

ماقطّ أبوه بـــ دار الآلآم يـــا صاح

هذا بعض حزن السنين التوالي

طير الحزن مبطي على خافقي ناح

ما أقول أن الخير ماله مجالي

لآ والذي يفلق من الليل الإصبــاح

لكن هنا بعض الألم ياحلالي

وأنا أدري أن العود يوم أحترق فاح

أول أقول إني صبور وشمالي

واليوم لآ والله أنفجر سدّي وبــاح

ماقلت لك ياذيب خلّني بـ حالي

هذا أنت ضقت وأذكرك جيت مرتاح

/

\

/

\

دمتــم بــ خ ــير ...